التراكمات قد تجعل الشخص يقسو رغم لين قلبه او يكابر رغم شده حبه..
بقلم / أحمد سعيد أحمد عبد الظاهر
التراكمات قد تجعل الشخص يقسو رغم لين قلبه او يكابر رغم شده حبه
الاشياء الصغيره مع الوقت بقت بتكبر و بتسد نفسنا عن
الشخص ده.
نكلمه فميردش يشوفنا ميسلمش يكدب و يمثل و احنا نعدي علشان نحافظ علي العلاقه و علي الحب و اننا مش قادرين نقسي عليه.
ندي فرصه جديده وراها فرصه تانيه و فرصه اخيره بس خلاص خلاص والله مش هينفع نتغافل اكثر من كده. من الواضح ان الحب ده لعنه و ان الحكايه من الاول كانت لعبه او يلخص المشهد عباره بتقول " رأيت الثقب ف سفينتك منذ اللحظه الاولي و لكنني غامرت بالابحار معك " ع فكره احنا بنشوف كويس و الله و سايفين عيبوكوا بس بنحبكوا و فاهمين انكوا انتوا كمان بتحبونا.
احنا مش سلعه مجانيه احنا دهب الراغبين فينا كتير بس انا عاوزينكوا انتوا. فرق شاسع بين اننا ملناش غيركوا و اننا مش عاوزين يبقي لينا غيركوا.
عموما شكرا ع البرود اللي زرعتوه فينا ناحيتكوا بعد ما كان الشغف بينط من عينينا اول ما نشكوفكوا من بعيد.
ع فكره احنا مش بنكرهكوا بس خلاص خلاص بقي بقينا نتمني نشوفكوا ف احسن حال بس بعيد عننا و دي اقل درجات الحب. انتوا استهلكتوا طاقتنا لمصلحتكوا , ضجكنا و اكلنا و لعبنا مع بعض خلتونا نستهلك من عمرنا علشان نسعدكوا و ف الاخر لما زهقتوا او بمعني اصح لما لقيتوا البديل سبتونا و مشيتوا سبتونا ف الوقت اللي كنا محتاجينكوا فيه اه و الله.
ما هو الانسان اللي بيساعد الناس ده و يدعمهم و يحل مشاكلهم هو ف النهايه بني ادم و الله زيكوا بالظبط كده بيحتاج برضو حد يطبطب عليه و يساله مالك ؟؟؟ متضايق ليه ؟؟ اساعدك ازاي ؟؟؟ طيب فضفض احكي قول اللي جواك. للاسف معرفتوش تلعبوا الدور ده معانا زي ما طول عمرنا بنلعبه معاكوا.
التراكمات قد تجعل الشخص يقسو رغم لين قلبه او يكابر رغم شده حبه فمتستغربوش مننا احنا بنعاملكوا دلوقتي ازاي لكن افتكروا زمان كنا بنعاملكوا ازاي ....
تعليقات
إرسال تعليق