تعلم

#خواطر_التفسير# (73) وللنساء نصيب في الجاهلية كانوا مش بيورثوا النساء .. وللأسف في زماننا ده لحد دلوقتي برغم أننا مسلمين ونزلت آيات تحدد نصيب النساء في الميراث .. تلاقى برضه ناس لسه مُصرة تعود إلى عصبية الجاهلية ويمنعوا بناتهم من الميراث بحجة أن فلوس العائلة ماتطلعش بره .. أو يفَضَّل إبنه على أخته أو على بنته. ربنا سبحانه وتعالى نزل آيه في صدر سورة النساء .. بتقول .. "للرجال نصيب مما ترك الوالدان والأقربون ..وللنساء نصيب مما ترك الوالدان والأقربون مما قلَّ منه أو كثر نصيبًا مفروضًا " .. والتفصيل فيها مهم جداً ربنا كان ممكن يقول .. ولكم نصيب مما ترك الوالدان والاقربون .. لكن قال للرجال نصيب .. وبعدها علطول قال وللنساء نصيب .. عشان يوصل لنا أنه زى ما الرجال لهم في الميراث .. النساء كمان لهم زيهم زي الرجال بالظبط  .. ياخدوا اد ايه بقى .. ده حسب قربهم وعمرهم ونسبهم من الميت لكن الأصل أن لهم نصيب .. لا وأكد بعدها جمله لما قال " مما قل منه أو كثر" .. يعنى لو الورث ده كتير أو قليل برضه النساء لهم فيه نصيب مفروض .. وكلمة مفروضا دى كمان ليها غرض .. إن النصيب ده حقهم .. وفرض