الجزء الاول من رواية (طريق مليئ بالاشواك)

كتب:وليد سليم


نرجوا منكم التفاعل إذا أعجبتكم القصة لكي نستمر
'عمر طفل عنده 13 سنه بيدرس ف اولى اعدادى من عيله فقيره حلمه انه يكون دكتور '
_صباح الخير يا عمر
_صباح النور يا بابا
_قوم يا عمر اتوضي وصلي الفجر
_حاضر يا بابا
_هتلاقي الفطار جاهز يا عمر علشان تفطر قبل متروح المدرسه ، أنا هغير هدومى واروح الشغل
 (ابو عمر شغال ف شركة انشاءات ف قنا وهو من سوهاج ومرتبه يدوبك معيشهم وشغله ملهوش تأمين والشغل بينه وبين بيتهم حوالى ساعتين مواصلات والاجازه الجمعه من كل أسبوع )
_ربنا يخليك ليا يا بابا
(عمر فطر وراح المدرسه وقابل صاحبه احمد ف الفصل)
_عمر . ازيك يا احمد
_احمد . تمام يا عمر اتمنى انك تكون بخير.
_عمر الحمدلله
(ده اول يوم ف الترم التانى ف اولى اعدادى وعمر مستنى يعرف نتيجته عمل ايه ف الترم الاول )
_مدرس العربي . جبتلكم النتيجه بتاعتكم يا اولاد ف جميع المواد واللى طلع الاول ليه جايزه.
_عصام (زميل عمر ف الفصل ) اكيد أنا اللى اخدت المركز الاول يا مستر علشان مفيش حد غيري يستاهل المركز ده.
_مدرس العربي . انت مطلعتش من الأوائل خالص يا عصام.
_مدرس العربي . اللى اخد المركز الاول هو طالب متفوق علميا وادبيا وان شاء الله هيكون فيما بعد قدوه للطلاب.  سقفوا ل عمر يا اولاد  علشان هو أخد المركز الاول   ، تعالى يا عمر خد شهادة التقدير. 
_عمر . الف شكر يا مستر  محمد.  وانت يا عصام شد حيلك وذاكر كويس علشان الترم التانى تعوض وتكون من الأوائل.
_عصام. خليك ف حالك ميشغلكش.
(كملوا باقي يومهم الدراسي وكده انتهى اول يوم دراسه من الترم التانى وعمر روح البيت وغير هدومه وقعد يعيط لحد مجات الساعه 6وهو مش مبطل عياط )
_عمر .الباب بيخبط ده اكيد بابا هروح افتح الباب. 
_والد عمر . ايه مالك بتعيط كده ليه يا عمر ،انت جبت درجات وحشه ولا ايه متزعلش نفسك انت عملت اللى عليك (والد عمر بيقول كده وهو مدايق ف نفسه وزعلان على عمر بس حب يطيب خاطره )
_عمر . (ب ابتسامه مليانه بالدموع) لا يا بابا أنا نجحت واخدت المركز الاول كمان .
_والد عمر . الف مبروك يبنى اومال بتعيط ليه كده .
_عمر. كان نفسي ماما تكون موجوده معانا وتشوف انى نجحت وطلعت الاول واخليها تفرح
_(والد عمر بيتكلم والدموع ف عنيه ) ربنا يرحمها هى دلوقتي ف الجنه علشان اتوفت وهى بتحارب السرطان ، وانت يا عمر شد حيلك واستمر ف التفوق علشان تحقق اللى مامتك وصتك بيه وهى بتصارع السرطان وهو انك تكون دكتور واي حد مش مقتدر يتعالج انت تعالجه ببلاش يا عمر علشان مامتك اتوفت وانا مكنتش قادر اوفرلها العلاج كله لأن الظروف مكنتش تسمح 😪.
_عمر. ربنا يرحمها يا بابا وانا ان شاء الله هحققلها اللى اتمنته 💜
_والد عمر . لو نجحت الترم التانى وطلعت الاول هجبلك عجله تروح بيها المدرسه بدل مبتروح مشي ورجلك بتوجعك 
_عمر. ربنا يخليك ليا يا بابا.
(ومرت الايام وباقي على امتحانات الترم التانى أقل من شهر )
_والد عمر. انهارده الجمعه يا عمر هنروح نصلي ضهر الجمعه ف الجامع وبعد كده هنروح نقرا الفاتحه ل مامتك ف المقابر ،وبعد كده هاخدك ونروح نتغدا سمك ف المطعم اللى ع النيل وبعد منتغدا هنروح نتفسح ف مركب ف النيل .
_عمر.  بجد انت احسن اب ف الدنيا.   ربنا يحفظك يارب. 
(بعد متغدوا ف المطعم راحوا يتفسحوا ف ف المركب اللى ف النيل  )
_عمر. الهوا بقى شديد جدا يا بابا الحق المركب يا بابا 😳😱

ده كان الجزء الاول

قولوا رايكم عجبكم ولا لا علشان استمر وانزل الجزء التانى لو ده عجبكم .

ولو في اى انتقاد اتفضلوا