قصة طريق العودة

طريق العودة

الجزء الأول

-سلام عليكم أستاذة ملك عزت المصرى معايا
-عليكم السلام أيوة يا فندم تحت امرك
-احنا مركز CDE التكافؤ الحيوى الcv بتاعك أتقبل عندنا يا فندم ياريت حضرتك تشرفينا يوم التلات الساعة 12 الضهر علشان نعمل الإنترفيو
بعد ما قفلت كنت هموت من الفرحة اخيرا انا بقالى شهرين بلف على شغل اه انا لسه متخرجة بس كنت عاوزة احس بشخصيتى ،الشغل ده هيفرق معايا جدا وبالفعل يوم التلات جهزت وروحت على حسب الGPS المكان كان متفرع من طريق سريع بتدخل شارع طويل الزرع ع الجانبين لحد ما نوصل للمركز العمار بعيد قوى عن هنا مش مهم لو ف اخر الدنيا هاروح روحت عملت الإنترفيو والمفاجئة انا اتقبلت ،بدأت الشغل كنت فرحانه بغباء اول يوم اتعرفت ع التيم بتاعى فاطيما ونيرة دول خريجين علوم زيى امجد وزين دول خريجين صيدله ومدام اسرار ودى مسئوله النضافة ف المكان كان فى ف المكان مديرين وناس كتير بس دول اللى قريبين منى ومن شغلى شغلى علاقة عن مقارنه بين الدوا المحلى والمستورد احيانا على أجهزة واحيانا على متطوعين بيجوا نظيهم الدوا ونسحب منهم عينات دم ونقارن اول يوم ف الشغل روحت ف معادى المعتاد بعد كده كنت بتأخر من ساعة لساعتين الفكرة أن أول ما المغرب بيجى بيبتدى الجو يضلم بيبقى المكان صعب قوى وكلاب بتعوى بصوت بشع ف يوم كنت مروحة متأخر لقيت كلب كبير كان جميل قووووى شكله بتاع حد صعب يكون كلب شوارع كان قاعد وشكل فى حاجة ف رجله بتوجعه ماقدرتش أقاوم برغم انى عارفة خطورة انى اروح لكلب مجروح بس روحت وعالجته فضل ماشى جنبى طول اليوم لحد ما وصلنى الطريق تانى يوم وانا رايحة الشغل لقيته واقف على اول الطريق وصلنى لحد المركز ضحكت وقررت احتفظ بأكل ليه يوميا ،مدام اسرار كانت ست مخيفة جدا دايما ساكته لتظهر فجأه وتختفى فجأه وكلنا مش مرتاحين لها بس بنعمل مش واخدين بالنا كل ماتشوفنى تقولى

- اسمك نصيبك يا دكتورة ماليكا
- يامدام اسرار والله ملك اسمى ملك
-ماليكا اسمك ماليكا وده مكتوب ع السبع ممالك
زهقت انى احاول معاها ف قررت اسكت
- ماشى ياستى ماليكا ماليكا اللى يريحك بس الأدوات خلصت ولا لسه
-خلصت هتلاقيها ف فرن التجفيف والتعقيم
-شكرا يا روحى ما اتحرمش
طلعت وانا خلصت شغلى ونزلت كالعادة كان زعتر واقف تحت نسيت اقولكم انى سميت الكلب زعتر ،قعدت العب معاه واحضنه واخظته ومشينا وصلنى لحد الطريق ومشى تانى يوم استقبلنى وفضل ماشى معايا لحد المركز طلعت لقيت مدام اسرار ف وشى
-هو مين الأستاذ اللى بيمشى يوصلك يوميا يا دكتورة
- استاذ مين يا مدام اسرار

-الشاب اللى بيجى يجيبك كل يوم وياخدك من قدام المركز
- مدام اسرار ربنا يباركلك مش عاوزة شوشرة على سمعتى انا ماحدش بيوصلنى هو الكلب بيمشى جنبى لحد هنا
- انا شفته بعنيا شاب محترم شكله ابن عز

سببتها ومشيت وانا منفعله وفضلت كول اليوم مدايقة لحد ما جه معاد انى اروح قابلت زعتر قعدت تحميله كنت متنرفزة جدا وهو شكله كان متدايق سيبته ومشيت وانا طالعة لقيت الشقه اللى ف وشنا فى ناس بينقلوا عفش فيها الشقه دى مش سالكه كل الناس عارفين عنها كده ده حتى لما كنا بتسمع صوت او عبد فيها كانت ماما تعلى صوت القران وتقول مالناش دعوة بيها دخلت الشقه انادى على ماما
-امى هو حد بيسكن ف شقة العفاريت
-بطلى هزار ف المواضيع دى ،دول ناس شكلهم ولاد ناس جدامن اول النهار بينقلوا ويادوب استريحوا ساعة من شوية و كملوا تانى
- شكلهم ايه الناس دول
- واحدة ست مابتضحكش للرغيف السخن ،وابنخا بس بدر ماشاء الله عليه
- اااااه تلاقيكى رسمتى ف خيالك شكل أوضة الأطفال بتاعتنا ،انا داخله انام
نمت حلمت أن مدام اسرار فى كلاب هجمت عليها ست كلاب وجع زعتر اتعارك معاهم ونجدها وبعدها الكلاب بدأوا يتعاركوا مع بعض على فستان من الفساتين بتوعى ايه الحلم العجيب ده الكلاب بتتحول فيه لأشخاص شكلهم مقبول بس ليهم رهبة صحيت مخنوقة حكيت الحلم لماما قعدت تطلع مبررات وتقول اصل الحلم وقت المغرب مش صادق وكبرى دماغك وكده ،لبست علشان اروح الشغل قابلته كان بيفتح باب بيتهم وانا بفتح باب بيتنا

- صباح الخير انت جارنا الجديد
- صباح العسل هو كل الجيران ف العمارة عسل كده ولا ناس معينه
بصراحة اتكسفت وسيبته ونزلت روحت الشغل قابلت زعتر كان مبسوط جدا وعمال يتنطط طول الطريق لكن اول ما وصلت اتصدمت مدام اسرار كان وشها واديها مليانين خرابيش شبه اللى ف الحلم بالظبط
- خير يا مدام اسرار فيكى ايه

بصتلى بشفقة وقالتلى اتنبهوا لوجودك ماعدتيش ف امان ،سابتنى ومشت وانا دماغى ف دوامه مين اللى اتنبهوا ليا كملت شغلى وطلعت وانا ع السلم لقيت كلب شكله بشع اسود قوى بيعمل صوت مخيف عينه حمرا واقف ع السلم باصصلى وبيزوم مش عارفة اتحرك من مكانى فجأه جه زعتر قعدوا يتعاركوا الصوت نزل مدام اسرار اللى طلعت حاجة من جيبها رشتها عليهم فجأه جروا هما الاتنين كأنهم اتحرقوا قالتلى روحى وماتبصيش وراكى وخدى الرمله دى خليها ف ايدك وانا هوصلك روحت ف اليوم ده مرعوبة دخلت اوضتى علطول وغيرت ونمت شفت الكابينه بيتعاركوا تانى زعتر كان قوى بس التانى كان أقوى كنت خائفة عليه جداااا كان فى صوت حد بيقول كلام م مفهوم كأنها لغة غريبه فتحت عينى لقيته واقف على صدرى نفس الكلب اسود سنانه كبيره وعينه حمرا الرعب صوتى مش طالع هو دخل هنا ازاى بدأت أقرأ قران فجاه اختفى زى ما ظهر اختفى جسمى كان بيترعش شغلت القران ونمت بس كنت خائفة تانى يوم قمت البس لقيت على صدرى خرابيش زى ما يكون فعلا كلب كان واقف على صدرى لبست ونزلت يادوب فتحت الباب وكانت الصدمة