الانتحار وحكمه الشرعي
الانتحار كبيره من الكبائر
كل اللى فكر في الانتحار كان عايز يرتاح من حياته أو عنده
في حياته ضغوط مادية أو نفسية أو اجتماعيه او ضغوط من اى نوع .. فكان في دماغه أنه لما يعمل كده هيستريح
ده طبعا لا فهم الدنيا صح ولا فهم الموت صح .. لانه لو فهم دنيا صح كان عرف انها دار ابتلاء أساسا مش دار راحة .. ربنا قال "ولنبلونكم بشئ من الخوف والجوع ونقص من الأموال والانفس والثمرات وبشر الصابرين" .. وقال كمان .." الذي خلق الموت والحياة ليبلوكم" .. ده انته لو مفيش في حياتك ابتلاء لازم تراجع نفسك.
وكمان اللى عمل كده وفهم أنه هيرتاح في الآخرة .. ده طبعا فاهم غلط لأن النبي قال لنا غير كده .. أنه سيظل خالد مخلد في نار جهنم يفعل بنفسه ما فعله بنفسه في الدنيا .. يعنى لو شرب سم يشرب سم في النار .. لو رمى نفسه من مكان عالى في الدنيا يعمل نفس الكلام في الآخرة في جهنم وهكذا .. هنقول ضغوط نفسية شديدة وربنا قادر يغفر له .. طبعا ربنا أعلم بعباده وقادر عز وجل على رحمة كل عباده وملناش دخل فى دى خالص .. لكن احنا بنقول الكلام الثابت عن رسول الله إن الموضوع كبير ومش راحة زى مانته متخيل .. ده شقاء ما بعده شقاء.
طيب عندك هموم .. انت متخيل أن النبي كان عنده هم أكبر من همك ومعملش كده فى نفسه .. بل صبر ومات على الحق.
لو فقدت حد حبيبك .. النبي صلى الله عليه وسلم فقد زوجته السيدة خديجة ومولاه وأحب الناس إليه زيد بن حارثه .. وفقد عمه والمدافع عنه في الدنيا .. وفقد كل أولاده في الدنيا الا السيدة فاطمة وماعملش في نفسه كده.
طيب لو بتعمل كده عشان شغلك مضايقك أو مش لاقى شغل .. طيب النبى راح عرض نفسه على أهل الطائف عشان يقبلوه .. رموه بالحجاره واستهزؤا بيه لحد ما قدمه الشريف سال منها الدم وأغمى عليه من شدة التعب.
طيب يمكن عشان محدش مديك اهتمام أو قيمة .. النبي كان الصادق الامين لحد ما قال لهم انا نبي .. قالوا عليه الكذاب الساحر الكاهن الشاعر المجنون ووصفوه بأنعت الصفات لدرجة أنهم طردوه من مكه بلده اللى كان بيحبها وقال "لولا أهلك أخرجونى منك ما خرجت" .. وهو أطهر الأطهار .. حد عمل معاك كده
محدش عاش في هم وكرب وابتلاء زى النبي صلى الله عليه وسلم .. لكن كان صبور وتحمل ونجح في اختبار ربنا أفضل نجاح .. عشان كده ربنا جعله لنا أسوة حسنة وقدوة ومثل.
الافكار المغلوطة عن الحياة انى لازم تكون حياتى رغد وفل الفل زى فلان وعلان .. لا طبعا .. والا كان النبي أولى بالحياة دى وهو أحب الخلق إلى الله .. لكن دى دار ابتلاء .. وكلما شدد عليك فيها وصبرت .. كان حسابك يسير إن شاء الله
لازم نساعد بعض ونفهم بعض ده .. ونوعى اللى حوالينا بده .. ولو فى لحظة لقينا حد هيروح للسكة دى مفيش مانع من دكتور نفسي ومش عيب خالص .. العلم دلوقتي هو كل حاجة .. وأكيد أفضل من اننا نخسر حد قريب مننا بالصورة دى.
ربنا بيقول لنا مهما وصلت لحاله صعبة في الدنيا اوعى تنهى حياتك بنفسك لأن ربنا رحيم بيك .. "ولا تقتلوا أنفسكم إن الله كان بكم رحيماً" .
بقلم م/عابد
كل اللى فكر في الانتحار كان عايز يرتاح من حياته أو عنده
في حياته ضغوط مادية أو نفسية أو اجتماعيه او ضغوط من اى نوع .. فكان في دماغه أنه لما يعمل كده هيستريح
ده طبعا لا فهم الدنيا صح ولا فهم الموت صح .. لانه لو فهم دنيا صح كان عرف انها دار ابتلاء أساسا مش دار راحة .. ربنا قال "ولنبلونكم بشئ من الخوف والجوع ونقص من الأموال والانفس والثمرات وبشر الصابرين" .. وقال كمان .." الذي خلق الموت والحياة ليبلوكم" .. ده انته لو مفيش في حياتك ابتلاء لازم تراجع نفسك.
وكمان اللى عمل كده وفهم أنه هيرتاح في الآخرة .. ده طبعا فاهم غلط لأن النبي قال لنا غير كده .. أنه سيظل خالد مخلد في نار جهنم يفعل بنفسه ما فعله بنفسه في الدنيا .. يعنى لو شرب سم يشرب سم في النار .. لو رمى نفسه من مكان عالى في الدنيا يعمل نفس الكلام في الآخرة في جهنم وهكذا .. هنقول ضغوط نفسية شديدة وربنا قادر يغفر له .. طبعا ربنا أعلم بعباده وقادر عز وجل على رحمة كل عباده وملناش دخل فى دى خالص .. لكن احنا بنقول الكلام الثابت عن رسول الله إن الموضوع كبير ومش راحة زى مانته متخيل .. ده شقاء ما بعده شقاء.
طيب عندك هموم .. انت متخيل أن النبي كان عنده هم أكبر من همك ومعملش كده فى نفسه .. بل صبر ومات على الحق.
لو فقدت حد حبيبك .. النبي صلى الله عليه وسلم فقد زوجته السيدة خديجة ومولاه وأحب الناس إليه زيد بن حارثه .. وفقد عمه والمدافع عنه في الدنيا .. وفقد كل أولاده في الدنيا الا السيدة فاطمة وماعملش في نفسه كده.
طيب لو بتعمل كده عشان شغلك مضايقك أو مش لاقى شغل .. طيب النبى راح عرض نفسه على أهل الطائف عشان يقبلوه .. رموه بالحجاره واستهزؤا بيه لحد ما قدمه الشريف سال منها الدم وأغمى عليه من شدة التعب.
طيب يمكن عشان محدش مديك اهتمام أو قيمة .. النبي كان الصادق الامين لحد ما قال لهم انا نبي .. قالوا عليه الكذاب الساحر الكاهن الشاعر المجنون ووصفوه بأنعت الصفات لدرجة أنهم طردوه من مكه بلده اللى كان بيحبها وقال "لولا أهلك أخرجونى منك ما خرجت" .. وهو أطهر الأطهار .. حد عمل معاك كده
محدش عاش في هم وكرب وابتلاء زى النبي صلى الله عليه وسلم .. لكن كان صبور وتحمل ونجح في اختبار ربنا أفضل نجاح .. عشان كده ربنا جعله لنا أسوة حسنة وقدوة ومثل.
الافكار المغلوطة عن الحياة انى لازم تكون حياتى رغد وفل الفل زى فلان وعلان .. لا طبعا .. والا كان النبي أولى بالحياة دى وهو أحب الخلق إلى الله .. لكن دى دار ابتلاء .. وكلما شدد عليك فيها وصبرت .. كان حسابك يسير إن شاء الله
لازم نساعد بعض ونفهم بعض ده .. ونوعى اللى حوالينا بده .. ولو فى لحظة لقينا حد هيروح للسكة دى مفيش مانع من دكتور نفسي ومش عيب خالص .. العلم دلوقتي هو كل حاجة .. وأكيد أفضل من اننا نخسر حد قريب مننا بالصورة دى.
ربنا بيقول لنا مهما وصلت لحاله صعبة في الدنيا اوعى تنهى حياتك بنفسك لأن ربنا رحيم بيك .. "ولا تقتلوا أنفسكم إن الله كان بكم رحيماً" .
بقلم م/عابد
تعليقات
إرسال تعليق