العلاج فقط لمن استطاع اليه سبيلا اما الفقير فله الله فقط
بقلم احمد سعيد احمد عبد الظاهر
الحقيقه الطبيعي ان المريض المفروض يلاقي اهميه اكترمن كده شويه. لما راجل كبير قعيد يترمي ف الشارع و هو لسه مريض و يخرجوه كمان من المستشفي يبقي احنا وصلنا لمستوي مش حلو خالص. الواقعه التي حدثت ف مستشفي اسوان التخصصي هي ان راجل كبير قعيد دخل المستشفي لمرضه الشديد ثم بعد يومين بالضبط اتفاجئ باربعه اشخاص بيرموه ع الارض خارج المستشفي بحجه انه خلاص بقالنا يومين بنعالج فيه و هو مش مستجيب للعلاج فخلاص مش مهم يموت عادي. قرار كان غير عقلاني بالمره و ده اللي خلي الدكتور إيهاب حنفى، مدير الصحة، يتوجه فورا إلى المستشفى لمعرفة ملابسات الواقعة، وأمر بفتح تحقيق مع أصحابها. و اكشتفنا ان قرار اخراج هذا العجوز القعيد جاء من ممرضه تصرفت من دون الرجوع لاحد.
وأضاف الدكتور ايهاب حنفي أن الدكتور أشرف حسين، نائب مدير المستشفى، علم بالواقعة وأمر على الفور بإعادة المريض إلى المستشفى. وتابع: «نائب المدير أمر باستكمال علاجه وصرف ملابس جديدة له، وتم إيداعه المستشفى، وحالته الآن مستقره. الحقيقه اننا ف الفتره الاخيره شهدت مصر انهيارا ف الكثير من الدعامات الاساسيه لاي دوله من صحه و تعليم و اقتصاد و غيرها . الصحه غير مسموح بالتلاعب فيها و اي تقصير فيها سوف يؤدي الي خساره فادحه ف الارواح و الافراد.
و لكن لابد ايضا ان نشكر السيد الدكتور ايهاب حنفي مدير الصحه ع تحركه السريع و قراراته الحاسمه. اسضا نتوجه بالشكر للدكتور اشرف حسين نائب مدير المستشفي لتسهيل عمليه رجوع المريض الي المستشفي و صرف ملابس جديده له ايضا. الصحه اغلي ما نمتلك فلابد من الحفاظ عليها فالصحه تاج فوق رؤوس الاصحاء
تعليقات
إرسال تعليق