اب يذبح ابنته القاصر في دمنهور بعد ضبطها مع شاب في حجره نومها

نشرت المؤلفه هداء الجالي عبر صفحة علي الفيس بوك وقالت اريد مناقشة هذا الموضوع 

اب يذبح ابنته القاصر في دمنهور بعد ضبطها مع شاب في حجره نومها.

بالمناسبه الاب أمر الاخ الاصغر بدبحها بعد رفض الاخ الاكبر فنفذ اخوها الصغير الأمر ودبح اخته والشاب،

 الاب لما اكتشف الواقعه خلي اخو البنت ومامتها يروحوا يكشفوا علي عذريتها والدكتور رفض الكشف عليها ولما مامتها رجعت بيها قرر دبحها وامر اخوها بدبحها وبعدها رمي الجثتين من البلكونه قدام البيت

امبارح في الحوامديه بالجيزه اب يقتل بنتينه بعد سماعه مكالمات جنسيه استدرج الكبيره الأول لحد ترعه ودبحها واتصل استدرج التانيه ودبحها برضو ورمي الجثتين بالترعه واتصل بالنجده بلغهم وراح سلم نفسه في القسم

 زوج يذبح زوجته بعد سماعه مكالمه هاتفيه جنسيه لها

تفاصيل الحوادث صعبه جدا والاصعب قلبك كأب أو كأم في موقف زي ده بيبقي نار وتصرفك بيبقي جنون مهما حاولنا نقول الحكمه سيد الموقف لكن للاسف 

الاب لوحده مش مذنب ولا الام مذنبه صدقوني ممكن يكونوا ربوا وعلموا الصح من الغلط والحرام من الحلال لكن المجتمع بانفتاحه وسوء الأخلاق والحرية المزيفه اللي بتدعي ليها عاهرات المجتمع وتفاوت العادات والتقاليد بين كل محافظه والتانيه والاستهوان بحدود الله 

كل ده وأكتر كانوا سبب في نشئه أجيال بتعمل كل حاجه عادي جدا وخوفهم الوحيد من الناس مش ربنا
اللي بتخون جوزها واللي بيخون مراته واللي بتسلم نفسها وجسمها لواحد واللي بتقلع وتتعري من ورا اهلها
كل دول وأكتر بيعملوا كده في الخفاء خوفا من الناس بس لحد متيجي الفرصه اللي يكون كل الناس بتعمل كل حاجه من غير خوف من حد وقدام بعض 

ابن نوح لم يتأثر باخلاق وتربيه ابوه وتاثر بالمجتمع الكافر
زوجه لوط لم تتأثر بزوجها واخلاقه وتاثرت بمجتمع شاذ 

المجتمع ان فسد واستباح فيه كل شي فسد كل شئ بيتك هيطوله الخراب إلا من اراد الله لهم الهدايه طبعا
صدقوني كل يوم بنسكت علي النسوان العاهرات بتوع الحريه والكلام الاهبل ده ، الحريه حريه فكر حريه عقل اعرف حدود ديني لاني محكمه بدين وشريعه مهما حاولنا نغير مش هنغير حدود ربنا 

عشان محدش يدخل في نقاشات تخصني انا كهداء عارفه ان الحجاب فرض ولكني لااحبه وده شئ يخص علاقتي بربنا لكن يفضل اولا واخيرا حدود ربنا هي العلاج والحل المجتمعي المرضي
الخوف من الله هو الحل ربوا عيالكم علي حدود الله وليس حدود المجتمع 

ربوا عيالكم ان الزنا حرام مش ان غشاء البكاره لو راح هتروحي في داهيه ومش هتتجوزي
عرفوا ولادكم ان الزنا حتي لو باللمس
أقيموا حدود الله وعظموا فروضه حتي يستقيم المجتمع ويعتدل اولادكم وزوجاتكم

وقام بالرد علي هداء الجالي / محمد جمال طيب ماحضرتك بتقولي الحجاب فرض لكن انا مابحبوش يعني نفس الميدأ برضو ممكن حد يقول انا عارفه ان الزنا حرام بس مابحبش امنعه الدين واحد يا استاذه ربنا بيقول ادخلوا في السلم كافة ودا مش تعديل أو تدخل في علاقة برينا لأن انا ماليش الحق طبعا بس المقصد أن ربنا زي ماحرم الزنا فرض الحجاب وبتالي مصدر التشريع واحد .وكل أنسان لديه زله أما عن موضوع الذبح فالأب مصيره الأعدام ورينا جل شأنه لم يقرر هذه العقوبة على جريمة الزنا عفانا الله

وقام بالرد Ahmed Ibrahim "عارفه ان الحجاب فرض ولكني لااحبه" ده نص كلامك وممكن اى واحدة او واحد تانى يقول الكلام ده عن السرقة او القتل او او او او ويبقى حقه هو كمان لانه شئ يخص علاقته بربنا هو كمان !!!!!! اه بالمناسبة اية هى حدود الله دى علشان نتفق عليها ولا هو اى كلام والسلام .......................بوست غير موفق تماما

وقام بالرد Hossam Shawki الستات فبلدنا عمرهم مبيختارو حاجه من اول اسمهم لحد لبسهم 

ولا الرجاله حتي بيختارو 
الكبت يولد الانفجار 
مجتمع بيجرم العلاقات حسب اطرافها لو انثي تبقي مجرمه لو ذكر يبقي طيش شباب 
مجتمع بيتدخل في علاقه الانسان بربه ١٠٠ مليون واعظ ورقيب علي غيره 
نتيجه طبيعيه جدا