ازاي اقدر اتعافي من حب من طرف واحد
نقاش حول ( ازاى اقدر اتعافى من ’ حب ’ من طرف واحد , ؟!!!)
- انا كتير بسمع ( الجمله ) دى ’ حب من طرف واحد ’’ .
وفى الحقيقه لما درست , اكتشفت ان فعليا مفيش ( حب ) من طرف واحد اطلاقا ,
يا بيكون (اعجاب ) يا ( اعجاب شديد ) يا فى اقصى درجات ’الخطأ ’
ادمان البنت لوجود الولد فى -حياتها - او اشتهاء الولد للبنت . ليه ؟
لأن الحب مينفعش يمشى فى ( اتجاه ) احادى من طرف واحد لازم يكون ( طرفين ) فى اتجاهين متبادلين وبكدا بتكون علاقه صحيه ..
لكن الأعجاب او التمسك بالطرف التانى فى ( اتجاه واحد ) او حب من طرف واحد
بتدمر فى صاحبتها او صاحبها . ليه ؟
لان جزء كبير من ( العاطفه ) لازم يكون فى تفهم للمشاعر فى الطرف التانى ليك ولكينونتك كشخص بتحب وبتتمسك ( بحبك ) وبتسيب للطرف التانى انه ( يقبل ) او (يرفض ) يدخل فى العلاقه العاطفيه دى .
لكن انك تعرض نفسك عليه او تتمسك بيه او بتتحول فى حالات كتير ( لشحات حب ) واهتمام من الطرف التانى .. , يبقى ازاى هتعيش علاقه حب صحيه من الأساس !!
العلاقه دي بتخلص لما اللى بيحب من طرف واحد يفوق لنفسه و أنه ميستحقش ابدا يبقي شحات حب
طب مهو فيه اللي بيضحك عليها وبيمثل دور الاخ والحبيب وهو اصلا غرضوا ل اهداف تانيه او لحاجات معينه دا يتسمي اي من طرف واحد ولا مش حب اصلا مع العلم انوا بيمثل دور الاخ والحبيب بشطاره جدا وهو ف الاخر كداب🤷🤔🤔😏
ردحذفطلم انتي عارفه ان هو في الاخر كداب بلاش من في الاول والاخر الحب احساس ومشاعر لو احساسك ومشاعرك بيقولو ان هو مش بيحبك وبيضحك وبيلف ويدور عليكي ابعدي بدون تفكير
حذفالفكره مش ف البعد هيا كدا كانت هتبعد الفكره ف التمثيل من الاول طب وليه يظلمها مع انها كانت بتحترموا وبتحب تتكلم معاه حتي مجرد كصديق ليه يفكر فيها التفكير الغلط ويبص للموضوع من ناحيه تانيه🤔🤔 تفتكر هيا غلطانه عشان وافقت تتكلم معاه من الاول
ردحذفاحنا بشر والبشر بتغلط في الطبيعي ممكن الانسان يغلط بدون مايحس ولكن لو جت قدامة الفكرة تاني ان هو يعمل نفس الغلط للي عملة مش هيعمله لانه اتعلم مره وحس بالغلط بتاعة لو هنقدر نسامح الغلط وكل حاجة تتصلح مفيش مشكله نكمل طول ما في الاحسن انما لو الغلط هيتكرر تاني يبقي البعد افضل
حذف