قصة محمد وشهد من افضل القصص للي ممكن تقراها في حياتك
 | |||
| عشان كده محدش بيتكلم معاها |
محمد قرب يتخرج من الكلية، من طبقة أقل من متوسطة، شخص متفائل جدا كل ما يتجمعوا هو وصحابه ويتكلموا عن قضية أو مشكلة يبقي محمد هو أول واحد يلاقي الحل، يشوف النور وسط العتمة. وبعد فترة محمد كان محتاج يدور على شغل عشان يساعد عيلته، راح شركة واتنين وتلاتة ومشكلته الوحيدة إنه طالب وهما عايزين خريجين فلما قفلت في وشه وضاقت بيه الدنيا راح لأكتر واحد كان بيرتاحله في الكلية وقاله مشكلته، صاحبه قعد يواسيه ومقدرش يعمله حاجة أكتر من كده وبعدها ظهر على وش محمد المتفائل موجة من التشاؤم والإحباط، واحدة واحدة لقى صحابه كلهم بيبعدوا عنه وكأن وجوده زي عدمه، في الوقت ده قرر إنه يسيب الدراسة ويشتغل ويروح ع الإمتحانات بس، مع الوقت ربنا وفقه في شغله وقدر يساعد عيلته وقبل الإمتحانات بأسبوع راحت شهد وقالتله ده محاضرات الترم كلها يا محمد، ربنا يوفقك وتقدر تحقق كل اللي نفسك فيه.
وقتها محمد مكانش مصدق نفسه لأن شهد ده أكتر بنت مكشرة وعشان كده محدش بيتكلم معاها، بس مكانش يعرف هي ليه مكشرة علطول...
في آخر يوم في الإمتحانات راحلها وشكرها جدا وفي وسط الحوار سألها هو انتي ليه دايما مش بتتكلمي مع حد وساكتة ومكشرة كده ...شهد لقت عندها رغبة فظيعة في إنها ترد وتبرر كل سنين الجامعة اللي فضلت فيهم بالشكل ده
بص يا محمد الناس دايما بتختار المنفتح واللي بيعرف يتكلم والمتفائل عشان يتعرفوا عليه ويتعدوا منه في الحاجات الحلوة ده أما الناس اللي مش بتعرف تتكلم كويس أو مش دايما على وشها الإبتسامة المزيفة ده الناس بتتجنبها لأنه في الظاهر هي معندهاش الحاجات الحلوة اللي الناس شايفاها عند التاني. والدليل على كده هو انتا بمجرد ما بقيت شايل همومك وشوية متشائم لقيتهم بقوا بيبعدوا عنك واحدة واحدة عشان ملقوش عندك الضحكة المتعودين عليها وبعد ما سبت الدراسة ورحت اشتغلت فجأة حسيت إن الكلية بقت حاجة بتخنق، عالم كله بيمثل فيه على بعضه، زي الدنيا بالظبط.
محمد قالها إنتي عندك حق في إن الناس بتتشد أكتر للمتفائل، اللي بيضحك بس إحنا بنعيش الحالات ده كلها بنضحك وبنزعل وبنكتئب وأحيانا بنبقي في احتياج لحد نحكيله، هي الدايرة مش مقفولة أوي كده لأن لو قفلناها بالشكل ده هنتمني الموت قبل الحياة وربنا خلقنا في الدنيا عشان نتعلم ونغلط ونصحح خطأنا بنفسنا أو حد يساعدنا في تصحيحه وإصحابي عرفت بعدها إن مش لازم أديهم الثقة ده كلها وبس. المهم إن الدنيا نزلنا فيها عشان نتعلم يبقي إزاي بقي نتجنب فيها الناس؟!
احكيلنا إنت مع شهد ولا محمد وليه؟
تعليقات
إرسال تعليق